Ağcəbədidə müəllimlərin serftifikasiya imtahanından kəsilən ibtidai sinif müəllimi işlədiyi məktəbə yenidən işə düzəlmək istəyərkən dələduzluqla üzləşib.

Far.Az qaynarinfo-ya istinadən xəbər verir ki, imtahandan kəsildiyi üçün işdən çıxarılan müəllimin atası Elnur adlı tanışına qızının işdən çıxarıldığını bildirib.

Elnur isə ona qızını yenidən işlədiyi məktəbdə texniki işçi kimi işə düzəldə biləcəyini deyib. Bunun müqabilində isə 2 000 manat pul istəyib. Deyilən məbləğ Elnura verilsə də, o, vədini yerinə yetirməyib.

Elnur başqa bir şəxsin adına 3 950 manat kredit götürüb ödəmədiyinə görə barəsində hüquq-mühafizə orqanlarına şikayət edilib. Həmin şəxs saxlanılıb və ona Cinayət Məcəlləsinin 178.2.2-ci maddəsi ilə ittiham elan edilib. Həmçinin məhkəmənin qərarı ilə barəsində həbs qətimkan tədbiri seçilib.

Cinayət işinə Ağcəbədi Rayon Məhkəməsində hakim Rəşad Nuriyevin sədrliyi ilə baxılıb. Elnur məhkəmədə verilmiş ittihamla özünü təqsirli bildiyini deyib. Təqsirləndirilən şəxs dəymiş ziyanı ödəyəcəyini deyərək məhkəmədən yüngül cəza verilməsini xahiş edib.

Məhkəmənin hökmü ilə ona 2 il müddətinə azadlıqdan məhrum etmə cəzası təyin edilib.

Oxşar xəbərlər

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Azərbaycanda 1.2 milyon manat dələduzluqda ittiham olunan sahibkar: "Əti maaş əvəzinə paylayıblar"

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

MAXE-dən dəhşətli hərəkət: dörd qadını yatağa saldı, pullarını aldı, onları videoya çəkdi – TƏFƏRRÜAT