Türkiyənin Bolu vilayətində, "Kartalkaya" xizək kurortunda yerləşən "Grand Kartal" hotelində baş vermiş və xeyli sayda insanın ölümünə səbəb olan yanğınla bağlı iş üzrə aralıq qərar qəbul edilib.

BAKU.WS Oxu.Az-a istinadla xəbər verir ki, Bolu Birinci Ağır Cinayətlər Məhkəməsi iş üzrə mühakimə olunan yanğınsöndürmə xidmətinin əməkdaşı İrfan Acarın həbsinə qərar verib.

Bundan başqa, iş üzrə təqsirləndirilən mətbəx işçisi Faysal Yaverin ölkədən çıxışına qadağa qoyulub və məhkəmə nəzarəti altında azadlığa buraxılması qərara alınıb.

Məhkəmə həmçinin iş üzrə saxlanılan digər müttəhimlərin azadlığa buraxılması ilə bağlı təqdim edilən vəsatətləri rədd edib.

Növbəti məhkəmə iclası sentyabrın 22-də keçiriləcək.

Xatırladaq ki, 2025-ci ilin yanvarın 21-də baş vermiş yanğında 78 nəfər ölüb, 133 nəfər yaralanıb.

Oxşar xəbərlər

Prezident İlham Əliyev Əfv Sərəncamı imzalayıb

Prezident Şahdağ Turizm Kompleksindəki “Lakeside” hotelində aparılan işlərlə və “Xizək klubu” binasının tikintisi ilə tanış olub - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Ağır cinayətlərdə təqsirləndirilən erməniəsilli şəxslərin məhkəməsi davam etdirilib - YENİLƏNİB