Rusiyalı UFC döyüşçüsü Şarabutdin Maqomedov Birləşmiş Ərəb Əmirliklərinin paytaxtı Əbu-Dabidə keçirilən "UFC on ABC 9" turnirində kanadalı Mark-Andre Barrio üzərində qələbə qazandıqdan sonra xəstəxanaya yerləşdirilib.

BAKU.WS xəbər verir ki, bu barədə "ESPN MMA" məlumat yayıb.

Məlumata görə, "Şara Bullet" kimi tanınan idmançı döyüşün ikinci raundunda burun sümüyünü qırıb və məhz bu səbəbdən tibbi yardım alması zəruri olub. Onun vəziyyətinin sabit olduğu vurğulanır.

Döyüş üç raund davam edib və hakimlərin yekdil qərarı ilə başa çatıb. Hər üç hakim 30-27 hesabı ilə bütün raundları Şara Bulletin xeyrinə qiymətləndirib.

Bu, Maqomedovun peşəkar karyerasında 17 döyüşdə 16-cı qələbəsi olub. Onun yeganə məğlubiyyəti cari ilin 1 fevralında britaniyalı Maykl Peycə qarşı baş tutmuş döyüşdə qeydə alınıb – həmin döyüş də hakimlərin qərarı ilə başa çatmışdı.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

UFC ilk dəfə Azərbaycanda!

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib