Yəmənin "Ənsar Allah" hərəkatının (husilər) silahlı qüvvələri Səudiyyə Ərəbistanının paytaxtı Ər-Riyadda yerləşən Kral Xalid adına Beynəlxalq Hava Limanını və "Saudi Aramco" şirkətinin obyektlərini hədəf aldıqlarını açıqlayıb.

Far.Az xəbər verir ki, bu barədə TASS-a istinadən hərəkatın hərbi nümayəndəsi Yəhya Saria məlumat verib.

Onun sözlərinə görə, hücumlar zamanı ballistik və qanadlı raketlərdən, eləcə də pilotsuz uçuş aparatlarından istifadə edilməklə altı əməliyyat keçirilib.

Husilər Səudiyyə Ərəbistanının cənubunda yerləşən Nəcran şəhərində Milli Qvardiyanın düşərgəsinə də zərbə endirdiklərini bildiriblər. Bundan başqa, Yəmənin Əl-Cövf və Mərib vilayətlərində Səudiyyə qoşunlarının cəmləşdiyi ərazilərin də hücuma məruz qaldığı iddia olunur.

Hərəkatın açıqlamasında əməliyyatlar nəticəsində çoxsaylı hərbçinin öldüyü və yaralandığı qeyd edilib.

Oxşar xəbərlər

Nazir bu müəllimləri təltif edildi - ADLAR

Vətən müharibəsində Qələbənin beşinci ildönümünə həsr olunmuş Hərbi parad keçirilib

Gəncənin ballistik raket atəşinə tutulması əmrinin Ermənistan rəhbərliyi tərəfindən növbəti dəfə təsdiqlənib

Husilər Nəcranda "Saudi Aramco"nun obyektinə hücum ediblər

İran hərbi gəmiləri Bakı limanını tərk etdi