UEFA Çempionlar Liqasının bütün turları həm azarkeşlər, həm də klublar üçün olduqca vacibdir. Lakin pley-off mərhələsinin önəmi xüsusilə danılmazdır. Səbəb isə məhz həmin turdan etibarən stadionlarda turnirin himninin səsləndirilməsidir.

BAKU.WS futbol azarkeşlərinin sevərək dinlədiyi himnin yaranma tarixi barədə məlumatı təqdim edir:

UEFA Çempionlar Liqasının möhtəşəm atmosferini tamamlayan məşhur himn ilk dəfə 1992-ci ildə bəstəkar Toni Britten tərəfindən yaradılıb. Britten əsəri yazarkən 1727-ci ildə Georg Frideric Handel-in "Zadok the Priest" adlı klassik əsərindən ilham alıb. Himn Londonda Royal Philharmonic Orchestra tərəfindən ifa olunub, vokal hissələr isə Academy of St Martin in the Fields xoruna məxsusdur.

Mahnı UEFA-nın üç rəsmi dilində - ingilis, fransız və alman dillərində səslənir. Turnir matçlarından əvvəl stadionlarda çalınan bu musiqi futbol azarkeşləri üçün simvolik bir mərasimə çevrilib. 2024/25 mövsümündə isə Toni Britten himni bir qədər yenidən işləyib, temp və vokal vurğularını dəyişib. Bu dəyişiklik bəzilərinin bəyənməsinə, bəzilərinin isə tənqidinə səbəb olub.

Azərbaycanda Çempionlar Liqasının himni ilk dəfə 2017-ci ildə "Qarabağ" klubunun "Kopenhagen"lə oyunu zamanı Bakı Olimpiya Stadionunda səslənib. Sonuncu dəfə isə 2022-ci ilin 17 avqustunda "Qarabağ" – "Viktoriya Plzen" qarşılaşması ərəfəsində yenidən stadiona yayılıb. 

Qeyd edək ki, himnin məşhur hissəsindəki "Die Meister! Die Besten! Les grandes équipes! The champions!" sətri milyonlarla azarkeşin yaddaşına həkk olunub.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

UEFA Konfrans Liqası: "Zirə" "Omoniya" səfərində böyük hesabla məğlub olub - YENİLƏNİB - 8