"Araz-Naxçıvan" klubu Kiprdə "Omoniya"ya qarşı keçirdiyi Konfrans Liqasının III təsnifat mərhələsinin cavab oyununda tribunadan Ermənistan bayrağının yığışdırılması ilə bağlı UEFA nümayəndəsinə müraciət edib.

BAKU.WS xəbər verir ki, bu barədə report-a Azərbaycan təmsilçisinin mətbuat xidmətindən bildirilib.

Klubdan bildirilib ki, dərhal məsələ ilə bağlı polisə məlumat çatdırılıb:

"UEFA nümayəndəsi əvvəlcə dedi ki, rəsmi bayraqdır. Biz isə əvəzində söylədik ki, Kipr və Azərbaycan klubları oynayır. Başqa ölkənin bayrağı niyə tribunada olmalıdır? Bu, təxribat cəhdidir. O da razılaşdı. Dərhal polisə bayrağın yığışdırılması ilə bağlı məlumat verdi və bayraq götürüldü. Nümayəndə bunu öz protokolunda da qeyd etdiyini vurğuladı. Hətta belə bir ehtimalı qarşılaşmadan əvvəl baş tutan iclasda nümayəndəyə demişdik".

Qeyd edək ki, görüş meydan sahiblərinin 5:0 hesablı qələbəsi ilə yekunlaşıb. Bakıda 4 cavabsız qolla uduzan "Araz-Naxçıvan" UEFA Konfrans Liqasında mübarizəni dayandırıb.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

"Araz-Naxçıvan" iki oyunda doqquz qol buraxaraq avrokubokla vidalaşıb

Konfrans Liqası: "Araz-Naxçıvan" ilk oyunda dörd cavabsız qolla məğlub olub

UEFA Konfrans Liqası: "Zirə" "Omoniya" səfərində böyük hesabla məğlub olub - YENİLƏNİB - 8