C-reaktiv zülal və iki növ xolesterol üçün qan testi qadının növbəti 30 il ərzində ürək xəstəliyi riskini proqnozlaşdıra bilər. Hər üç göstəricinin yüksək olması koroner ürək xəstəliyi riskini üç dəfə artırır.

“Far.Az” xəbər verir ki, bunu NEJM jurnalında dərc olunan araşdırma göstərib.

Alimlər 28 min xəstənin məlumatlarını təhlil ediblər. Onlar 1992-1995-ci illər arasında qan analizi veriblər. Daha sonra qadınlar təxminən 30 il izlənilib.

Bu müddət ərzində təxminən dörd min iştirakçı ürək-damar xəstəlikləri səbəbindən infarkt, insult keçirib və ya dünyasını dəyişib.

Üç qan parametri ürək-damar xəstəlikləri və fəlakət riski ilə əlaqələndirilib: iltihab markeri C-reaktiv protein, aşağı sıxlıqlı lipoprotein (LDL) və lipoprotein (a). Sonuncular damar divarlarında lövhənin çökməsinə kömək edən iki növ xolesteroldur.

Yuxarı LDL xolesterin səviyyəsinə malik olan qadınlarda ürək xəstəliyi riski ən aşağı LDL xolesterin səviyyəsinə malik olanlarla müqayisədə 36% daha yüksək idi. Yüksək Lp(a) səviyyələri riski 33%, C-reaktiv zülal isə 70% artırıb.

Odur ki, hər üç göstərici yüksək olarsa, insult riski 1,5 dəfə, koroner ürək xəstəliyi isə üç dəfə yüksək olacaq. Yüksək C-reaktiv zülal bədəndə əhəmiyyətli iltihabın göstəricisidir. O, Aterosklerozun inkişafına kömək edir, yüksək xolesterolun zərərini artırır.

Müəlliflər hesab edirlər ki, nəzərə alınan göstəricilər kişilərdə ürək-damar riskini proqnozlaşdıra bilər. Ancaq bunun yeni tədqiqatlarda sübuta yetirilməsinə ehtiyac var.

Oxşar xəbərlər

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Bu dərmanlar xərçəngdən qoruyur - Yeni araşdırma

Zorakılıq qurbanlarını necə mühafizə edək? - ARAŞDIRMA

Alimlərin yeni tədqiqatı: Buzlaqların əriməsi sunami riskini artırır

Azərbaycan və Rusiya prezidentləri mətbuata bəyanatlarla çıxış ediblər - YENİLƏNİB-2 - FOTO