Oğuz rayonunda bir nəfərin ölümü, daha bir nəfərin xəsarət alması ilə nəticələnən yol qəzası olub.

Far.Az "Report"a istinadən xəbər verir ki, hadisə Qaraməryəm-İsmayıllı-Şəki magistral yolunun rayonun Kərimli kəndi ərazisindən keçən hissəsində qeydə alınıb.

Ağır xəsarət alan sərnişin, 1994-cü il təvəllüdlü Arifə Səlimova hadisə yerində ölüb.

Hadisə zamanı habelə 1992-ci il təvəllüdlü Aygün Quliyeva isə xəsarət alıb. Yaralı A.Quliyeva Qəbələ Rayon Mərkəzi Xəstəxanasına çatdırılıb.

Qeyd edək ki, qadın sürücünün (şəxsiyyəti dəqiqləşdirilir – red) idarə etdiyi "Nissan" markalı avtomobil idarəetmədən çıxaraq ağaca çırpılıb.

Avtomobilin qəzaya uğramasına səbəb nəqliyyat vasitəsinin qarşısına iribuynuzlu heyvan çıxması olub.

Faktla bağlı cinayət işi açılıb, araşdırma aparılır.

Qalereya

Oxşar xəbərlər

Pirşağı–Novxanı–Xırdalan–M4 avtomobil yolunun tikintisi layihəsinin 51 %-i icra edilib

Prezident İlham Əliyev Əfv Sərəncamı imzalayıb

Qurbanlıq heyvanların satışı və kəsimi xidmətləri göstəriləcək ünvanlar açıqlanıb

Zərərçəkmiş Laçın sakini: İşğala qədər bizim kənd mütəmadi olaraq Ermənistan tərəfindən atəşə tutulurdu

Oğuzda yol qəzasında xəsarət alan əcnəbilərin şəxsiyyəti məlum olub - YENİLƏNİB