İsrail hökuməti 8 sentyabrda Qüdsdə və Qəzzada baş verən hücumlardan sonra HƏMAS rəhbərliyinin məhv edilməsi barədə qərar qəbul edib.

Far.Az-in məlumatına görə, bu barədə Baş nazir Benyamin Netanyahunun ofisi məlumat yayıb.

Açıqlamaya görə, Netanyahu bütün təhlükəsizlik strukturlarına göstəriş verib ki, HƏMAS rəhbərliyinin zərərsizləşdirilməsi üçün planlar hazırlansın. Müdafiə naziri də bu qərarı tam dəstəkləyib.

Qeyd edək ki, 9 sentyabrda İsrail ordusu HƏMAS rəhbərliyinə qarşı Qətərin paytaxtı Dohada dəqiq hava zərbəsi endirdiyini bildirib. Rəsmi məlumata əsasən, əməliyyatda dəqiq silahdan istifadə olunub və mülki əhaliyə zərərin minimuma endirilməsi üçün əlavə kəşfiyyat məlumatları nəzərə alınıb.

Israel bombing Doha shows it has no interest in any “ceasefire”. This is the Zionists state third such attempt to bomb the negotiating team. Violence appears to be their only language.

Attacking 4 sovereign nations in 24 hours are brazen acts of war. What other country gets away… pic.twitter.com/1v63EU3ysn

— The Muslim Vote (@themuslimvoteuk) September 9, 2025

Lakin Qətər hökuməti hücumu kəskin şəkildə pisləyib və hadisə ilə bağlı ən yüksək səviyyədə araşdırma başladığını açıqlayıb.

Xatırladaq ki, 8 sentyabrda Qüdsdə silahlı şəxslər avtobusa hücum edərək sərnişinlərə atəş açıblar. Nəticədə 6 nəfər ölüb, silahlılar isə zərərsizləşdirilib. İsrail rəsmilərinin açıqlamasına görə, terror aktı iki fələstinli tərəfindən təşkil olunub.

Məlumat üçün bildirək ki, Türkiyə, İran və Səudiyyə Ərəbistanı İsrailin Dohaya endirdiyi hava zərbəsini qınayıb. BMT Baş katibi Antonio Quterreş hücumu "Qətərin suverenliyinin və ərazi bütövlüyünün açıq pozulması" adlandırıb və tərəfləri atəşkəsin bərqərar olunması üçün səy göstərməyə çağırıb.

"Əl-Ərəbiyyə" telekanalı hücum zamanı dörd yaşayış binasının hədəf alındığını bildirib. Bəzi KİV-lərin məlumatına görə, zərbə zamanı HƏMAS-ın Qəzzadakı lideri və daha üç siyasi büro üzvü hədəfdə olub, lakin onların sağ qalıb-qalmaması ilə bağlı ziddiyyətli məlumatlar yayılıb.

Son məlumata görə, İsrailin Dohaya endirdiyi zərbədən sonra Qətər Qəzza zolağı ilə bağlı vasitəçilik səylərini dayandırmaq qərarına gəlib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib