ABŞ Prezidenti Donald Tramp Ukrayna üzrə bütün Avropanı əhatə edə biləcək sazişi anons edib.

"Report" xəbər verir ki, o bu barədə Ağ Evdə sənədlərin imzalanması mərasimində jurnalistlərə bildirib.

"Mən sizə deyirəm, saziş olacaq. Bu, böyük bir saziş olacaq və təkcə Ukraynaya təsir etməyəcək. Genişmiqyaslı olacaq. Mən hətta deyə bilərəm ki, bütün Avropaya təsir edə bilər. Bu, böyük, gözəl bir saziş olacaq və hamı heyran qalacaq", - o bildirib.

Bununla yanaşı, Amerika lideri Ukraynadakı müharibənin tezliklə başa çatacağını bəyan edib.

"Əgər Rusiya və Ukraynaya baxsanız, söhbət müharibədən gedir. Bu, müharibədir. Yeri gəlmişkən, biz kifayət qədər tezliklə onun başa çatmasına nail olacağıq", - o, Ağ Evdə jurnalistlərin mövzu ilə bağlı suallarını cavablandırıb.

Daha əvvəl "Rapporteur" nəşri yazıb ki, ABŞ və NATO cümə axşamı Ukrayna ilə ölkənin təhlükəsizlik zəmanətlərini müzakirə ediblər. Danışıqlara Böyük Britaniya, Fransa, Almaniya və Avropa Komissiyası da qatılıb.

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

Leyla Əliyeva və Alyona Əliyeva mükafatlandırma mərasimində iştirak ediblər

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib