"Qarabağ"ın yarımmüdafiəçisi Kadi Borges UEFA Çempionlar Liqasının əsas mərhələsinin ilk turunda "Benfika" ilə keçiriləcək oyun öncəsi mətbuat konfransında çıxış edib.

BAKU.WS-in məlumatına görə, braziliyalı futbolçu bildirib ki, komandada hər kəs uzun müddətdir əsas mərhələdə oynamağı arzulayırdı:

"Bir neçə dəfə Çempionlar Liqasının pley-offuna qədər irəliləmişdik, amma əsas mərhələyə yüksəlmək nəsib olmurdu. İndi isə bu, bizim üçün möhtəşəm hissdir. İnanıram ki, sabah ən yaxşı oyunumuzu göstərəcəyik. Komandamız hər il avrokubokların Liqa mərhələlərində çıxış edir, bu da bizə təcrübə qazandırır. "Benfika"nı yaxşı təhlil etmişik və uğurlu nəticəyə ümid edirik".

Kadi həmçinin rəqibin güclü heyətinə qarşı ciddi hazırlaşdıqlarını vurğulayıb və əlavə edib ki, "Qarabağ" öz oyun fəlsəfəsinə sadiq qalaraq meydanda layiqli mübarizə aparacaq.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

UEFA Avropa Liqası: "Qarabağ" "Ayaks"a məğlub olub - VİDEO - YENİLƏNİB-8

UEFA Avropa Liqası: "Qarabağ" "Tottenhem"ə məğlub olub - YENİLƏNİB-8

İlham Əliyev Qarabağ Universitetinin Klinikası binasının açılışında iştirak edib

UEFA Çempionlar Liqası: "Şkendiya"nı darmadağın edən "Qarabağ" pley-off-a adladı