Azərbaycanda geotermal mənbələr hesabına elektrik enerjisi istehsalının daha fəal şəkildə inkişaf etdirilməsi planlaşdırılır.

BAKU.WS "Report"a istinadla xəbər verir ki, bunu Azərbaycan Dövlət Neft Şirkətinin (SOCAR) vitse-prezidenti Əfqan İsayev I Azərbaycan Beynəlxalq İnvestisiya Forumu (AIIF-2025) çərçivəsində bildirib.

Onun sözlərinə görə, quruda külək və günəş enerjisi sahəsində imkanlardan fəal şəkildə istifadə edilir, lakin burada potensial investisiyalar və layihələr üçün hələ də çoxlu imkanlar var.

"Azərbaycanın strateji mövqeyi bizə Mərkəzi Asiyadan Türkiyəyə və Avropaya "yaşıl enerji"ni ötürməyə imkan verir. Qarşıda çoxlu imkanlar var. Məsələn, biz ofşor sahədə inkişafı nəzərdən keçirməyə başlayırıq. Dəniz külək enerjisi artıq inkişaf edir. Günəş enerjisi inkişaf prosesindədir. Təxminən 157 GVt olan ofşor enerji potensialı hələ istifadə edilməyib", - Ə.İsayev bildirib.

SOCAR-ın vitse-prezidenti qeyd edib ki, geotermal enerjidən də hələ istifadə olunmayıb.

"Biz bəzi tərəfdaşlarımızla əməkdaşlığa başlamışıq. Gələcəkdə geotermal mənbələrlə elektrik enerjisinin istehsalı sahəsində daha çox iş görüləcək. Orada da böyük potensial var. Gəlin hidroakkumulyasiya elektrik stansiyaları haqqında danışaq. Burada, xüsusilə də azad edilmiş ərazilərdə böyük perspektivlər var", - Ə. İsayev əlavə edib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib

2024-cü ilin BOEM reallığı: Azərbaycan "yaşıl enerji"nin inkişafı istiqamətində sıçrayış edir

Bakıda COP29-un Liderlər Sammitinin açılış mərasimi keçirilib - YENİLƏNİB-2