Böyük Britaniya İran İnqilab Keşikçiləri Qvardiyasının (SEPAH) Əl-Qüds qoşununa sanksiya tətbiq edib.

“Far.Az” TASS-a istinadən xəbər verir ki, bu barədə Birləşmiş Krallığın hökumət saytı məlumat yayıb.

Bununla yanaşı, SEPAH-ın bölmə komandiri Həmid Fazeliyə krallığa giriş qadağan olunub. Aşkar edildiyi təqdirdə onun bank hesablarının dondurulmasını nəzərdə tutan məhdudiyyətlər tətbiq edilib.

Əbdülfəttah Ənvazian və Behnam Şəhriyari də məhdudlaşdırıcı tədbirlərə məruz qalıb. Ənvazianın Birləşmiş Krallıqda sabitliyi pozmağa yönəlmiş pozucu fəaliyyətlərdə iştirakı qeyd olunub. Şəhriyari isə İsrail, İraq, Yəmən və Livanda vəziyyətin sabitliyini pozmağa yönəlmiş fəaliyyətlərinə görə qara siyahıya düşüb.

Ümumilikdə, Böyük Britaniyanın İrana qarşı sanksiyalar siyahısında 27 hüquqi və 190 fiziki şəxs var.

Oxşar xəbərlər

Zorakılıq qurbanlarını necə mühafizə edək? - ARAŞDIRMA

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Korotçenko: Bugünkü seçkilər Azərbaycanın siyasi sabitliyini təsdiqləyir

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

AMB: "Dollar satışında məhdudiyyətlərin mövcudluğu ilə bağlı xəbərlər reallığı əks etdirmir" - MÜSAHİBƏ