İslam Əməkdaşlıq Təşkilatının (İƏT) Baş katibi Hissein Brahim Taha Azərbaycanı növbədənkənar parlament seçkilərinin uğurla keçirilməsi münasibətilə təbrik edib.

“Report” xəbər verir ki, bu barədə təşkilatın sosial şəbəkədəki rəsmi səhifəsində paylaşım edilib.

Təbrikdə qeyd olunub ki, 2024-cü il sentyabrın 1-də Azərbaycan Respublikasında keçirilmiş növbədənkənar parlament seçkilərini izləmək üçün İƏT Baş Katibliyi Azərbaycan hökumətinin dəvəti ilə səlahiyyətli müşahidəçilərdən ibarət nümayəndə heyətini ölkəyə göndərib. Baş katib parlament seçkilərinin Azərbaycanın işğaldan azad edilmiş ərazilərində də keçirildiyini vurğulayıb.

Baş katib bildirib ki, təşkilatın nümayəndə heyəti seçkilərə hazırlığı, səsvermə prosesini və səslərin hesablanması mərhələsini müşahidə edib. Bundan əlavə, İƏT missiyası Azərbaycan Respublikasının seçki orqanları ilə görüşlər keçirib, bununla yanaşı, səsvermə prosesi ilə bağlı brifinq təşkil edib: “İƏT-in nümayəndə heyəti monitorinq funksiyalarını yekunlaşdıraraq seçki prosesinin şəffaf, azad və mütəşəkkil, yüksək seçici fəallığı ilə keçdiyini qeyd edib”.

Oxşar xəbərlər

Milli Məclisə seçkilərdə lider namizədlərin adları açıqlanıb - YENİLƏNİB

Azad edilmiş ərazilərin bərpası: xarabalıqdan dirçəlişə doğru - Təhlil

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Azərbaycan-Özbəkistan sənədləri imzalanıb - YENİLƏNİB - FOTO

Saat 19:00-a olan seçici fəallığı: 37,27 faiz seçici səsvermə hüququndan istifadə edib - YENİLƏNİB