Bəzi taksi sürücüləri proqramın müəyyən etdiyi gedişhaqqı ilə razılaşmır və sərnişindən əlavə ödəniş tələb edirlər. Bu isə həm sərnişinlərdə narazılıq yaradır, həm də həmin taksi şirkətlərinin imicinə mənfi təsir göstərir.

Far.Az Xəzər TV-yə istinadla xəbər verir ki, bu cür hallardan biri ilə bağlı sosial şəbəkədə daha bir paylaşım edilib.

Paylaşımda qeyd olunub ki, sürücü proqramın təyin etdiyi 12 manat 40 qəpik əvəzinə 20 manat tələb edib. O, məsafənin uzun olduğunu bəhanə gətirərək əlavə ödəniş istədiyini, əks halda sifarişi yerinə yetirməyəcəyini bildirib. Rəylərdə istifadəçilər də həmin məsafə üçün tələb olunan məbləğin artıq olduğunu qeyd ediblər.

Sorğu zamanı paytaxt sakinləri bildiriblər ki, bu kimi hallarla tez-tez rastlaşırlar. Hətta bəzi sürücülərin müxtəlif üsullarla sərnişinləri sifarişi ləğv etməyə məcbur etdiklərini deyənlər də olub.

Nəqliyyat üzrə ekspertlər hesab edirlər ki, bu cür hallarda məsuliyyət həm sürücülərin, həm də onlarla əməkdaşlıq edən şirkətlərin üzərinə düşür.

Mövzu ilə bağlı daha ətraflı videomaterialı təqdim edirik:

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Xocalının Badara, Daşbulaq, Seyidbəyli və Şuşakənd kəndlərinin sakinləri ilə görüşüb

Turistlərin sevimli şəhərinə çevrilmiş paytaxt Bakı

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4