Sumqayıtda taksi sürücüsü küçədə döyülüb.

Far.Az Oxu.az-a istinadən xəbər verir ki, hadisə şəhərin Sülh prospektində baş verib.

Sumqayıt sakini Əlifağa Cabbarov (ad və soyad şərtidir) müştəri qismində taksi fəaliyyəti ilə məşğul olan şəhər sakini Arif Məmmədovun (ad və soyad şərtidir) "Opel" markalı avtomobilinə yaxınlaşaraq, şəhərin "Aliminumzavod" adlanan ərazisinə aparmasını xahiş edib. Arif bildirib ki, o, həmin əraziyə müştərini 5 manata aparır. Əlifağa isə bir gün əvvəl eyni əraziyə 3 manata getdiyini bildirib.

Nəticədə taksi sürücüsü ilə müştəri arasında mübahisə yaranıb. Mübahisə zamanı Əlifağa Arifi yumruq və təpik zərbələri ilə döyüb.

Hadisə yerinə polis əməkdaşları gəliblər və fakta bağlı cinayət işi başlanılıb. Ə.Cabbarov saxlanılaraq izahatı alınıb və iş məhkəməyə göndərilib.

Məhkəmə istintaqı dövründə təqsirləndirilən şəxslə zərərçəkmiş arasında barışıq elan olunub, dəymiş ziyan tam ödənilib.

Məhkəmənin qərarı ilə cinayət işinə xitam verilib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Sürücülərin NƏZƏRİNƏ! - Bu küçədə parklanma LƏĞV EDİLİR

Əsir düşən azərbaycanlılara verilən işgəncələrlə bağlı məhkəmədə ifadələr dinlənilib

Sumqayıtda 36 nömrəli tam orta məktəbin yenidənqurmadan sonra açılışı olub