Dini Qurumlarla İş üzrə Dövlət Komitəsinin sədri Ramin Məmmədovun Amerika Birləşmiş Ştatlarına səfəri davam edir.

Far.Az xəbər verir ki, səfər çərçivəsində Ramin Məmmədov Kem C. Qardner adına Siyasət İnstitutunun direktoru Natali Qoçnur ilə görüşüb. Komitə sədri ölkəmizdə dini təhsilin inkişafının önəmi, o cümlədən Azərbaycan İlahiyyat İnstitutunun fəaliyyət istiqamətləri barədə danışıb. Qeyd edib ki, dini təhsil sahəsində beynəlxalq əməkdaşlığın genişləndirilməsi məqsədilə müxtəlif ölkələrin təhsil müəssisələri ilə əlaqələr qurulur, tələbə mübadiləsi həyata keçirilir, ortaq tədqiqat layihələri icra olunur.

İnstitutun icraçı direktoru Natali Qoçnur ölkəmizdə dini müxtəliflik, tolerantlıq və mədəni harmoniya prinsiplərinin dövlət siyasətinin ayrılmaz hissəsi kimi həyata keçirilməsini təqdirəlayiq nümunə adlandırıb. İnstitutun beynəlxalq tərəfdaşlarla əməkdaşlığa böyük önəm verdiyini bildirən N.Qoçnur Azərbaycan təcrübəsinin dinlərarası dialoq, mədəni müxtəliflik və sosial inteqrasiya sahəsində xüsusi maraq doğurduğunu qeyd edib.

Komitə sədri İsa Məsihin Sonuncu Gün Müqəddəsləri Kilsəsinin Təhsil üzrə İdarə Heyətinin katibi Kelli Hos və Kilsənin Xeyriyyəçilik Mərkəzinin direktoru Şeron Yubenk ilə də görüşüb. Görüşlərdə Azərbaycandakı dövlət-din münasibətləri, dini sahədə həyata keçirilən dövlət siyasəti barədə geniş məlumat verilib, eləcə də dini təhsil və humanitar sahələrdə əməkdaşlıq imkanları müzakirə edilib.

Yuta Dünya Ticarət Mərkəzinin icraçı direktoru Conatan Fridmanla baş tutan görüşdə isə dinlərarası dialoq və vətəndaş cəmiyyətinin inkişafı istiqamətində birgə təşəbbüslərin həyata keçirilməsi barədə fikir mübadiləsi aparılıb.

Qalereya

Oxşar xəbərlər

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Hərbi prokuror Heydər Əliyev adına Hərbi İnstitutun kursantları ilə görüşüb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

“Dinlərarası harmoniya: dinc birgəyaşayışın təşviqi” mövzusundakı beynəlxalq konfrans işini yekunlaşdırıb - YENİLƏNİB