Bu gün, saat 16:00 radələrində "BakuBus" MMC-nin istismarında olan Bakı-Sumqayıt istiqamətində hərəkət edən 594 nömrəli müntəzəm marşrut xətti üzrə avtobuslardan birində texniki nasazlıq qeydə alınıb.

Bu barədə BAKU.WS-in sorğusuna cavab olaraq "BakuBus" MMC-nin mətbuat xidmətindən bildirilib.

Qeyd olunub ki, Sumqayıt avtovağzalında avtobusun sürücüsü mühərrikin turbo hissəsində yaranmış texniki nasazlıq barədə məlumatı "BakuBus" MMC-nin Monitorinq Mərkəzinə təqdim edib.

"Monitorinq Mərkəzi dərhal məsələ ilə bağlı Servis Xidmətinə məlumat verib. Servis Xidməti tərəfindən texniki baxış keçirildikdən sonra avtobusun təhlükəsiz şəkildə depoya yönləndirilməsi barədə qərar qəbul edilib.

Avtobus hərəkətdə olduğu zaman, Bakı avtovağzalının qarşısında nasazlıq səbəbindən qısa müddətli tüstülənmə müşahidə olunub. Sürücü tərəfindən operativ müdaxilə edilərək tüstülənmənin qarşısı alınıb. Qeyd edək ki, hadisə zamanı avtobusda sərnişin olmayıb", - deyə qurumun məlumatında vurğulanıb.

***16:23

Bakı-Sumqayıt avtobusunda tüstülənmə baş verib.

Bu barədə görüntülər BAKU.WS-in "qaynar xətti"nə daxil olub.

Bildirilib ki, yanğın "Bakı Beynəlxalq Avtovağzal Kompleksi"nə dönən yolda qeydə alınıb.

Hadisə şahidinin sözlərinə görə, tüstülənmə avtobusun arxa hissəsindən başlayıb. Sərnişinlər dərhal avtobusu tərk ediblər. Hadisə yerinə Fövqəladə Hallar Nazirliyinin yanğınsöndürənləri cəlb olunub.

Sözügedən kadrları təqdim edirik:

Banu Hüseynli

Oxşar xəbərlər

Prezident İlham Əliyev "BakuBus" MMC-nin Gəncə Avtoparkının açılışında iştirak edib

Gəncədə avtobus marşrutları üzrə müsabiqənin qalibləri müəyyənləşdi

Bakıda 15 marşrut xəttinin fəaliyyəti dayandırılır

Sumqayıt Sənaye Parkında istehsal olunan ilk elektrik avtobusu "BakuBus"a təqdim olunub

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2