Bir neçə il əvvəl istismar müddəti başa çatdığı üçün Dənizkənarı Milli Parkda böyüklər üçün nəzərdə tutulmuş attraksionlar dayandırılmışdı. İndi isə bu əyləncə zonası yenilənmiş şəkildə fəaliyyətə başlayır.

Far.Az xəbər verir ki, bu barədə məlumat Dənizkənarı Bulvar İdarəsinin təşkil etdiyi mediatur zamanı jurnalistlərə verilib.

Dənizkənarı Bulvar İdarəsinin həyata keçirdiyi yenidənqurma və bərpa işləri nəticəsində, attraksionlar tamamilə yeni tərtibatda və müasir dizaynda əvvəlki yerində ziyarətçilərin istifadəsinə verilib.

Yeni əyləncə zonasında ümumilikdə 5 attraksion fəaliyyət göstərir. Bütün qurğular texniki normalara və təhlükəsizlik reqlamentlərinə tam cavab verir. Hər gün texniki baxış həyata keçiriləcək.

Ziyarətçilərin rahatlığı üçün innovativ bilet sistemi də tətbiq olunub. Artıq kassalarla yanaşı bilet terminalları vasitəsilə də cəmi bir neçə toxunuşla bilet almaq mümkündür.

Hər attraksionun qiyməti 4 manat təşkil edir. Ərazidə həmçinin Bulvarın ümumi üslubuna uyğun yeni köşklər də quraşdırılıb.

Qalereya

Oxşar xəbərlər

Bakıda balıq yarmarkası fəaliyyətə başladı

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Horadiz-Ağbənd dəmir yolu ilə Araz İqtisadi Zonası Sənaye Parkına yüklərin daşınmasına başlandı

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4