Tərtərdə qardaşını öldürməkdə təqsirləndirilən Sədi Əliyevin cinayət işi üzrə məhkəmə araşdırması yekunlasıb.

Far.Az Oxu.Az-a istinadən xəbər verir ki, Gəncə Ağır Cinayətlər Məhkəməsində hakim İlkin İbişovun sədrliyi ilə keçirilən prosesdə hökm oxunaraq Sədi Əliyevə verilmiş ittiham üzrə maddə 120.1-ci maddəyə tövsif olunaraq ona 9 il 6 ay müddətinə azadlıqdan məhrumetmə cəzası təyin edilib.

Qeyd edək ki, hadisə ötən il Tərtər rayonunda baş verib. Tərtər Rayon Prokurorluğunun yaydığı məlumata görə, rayon sakini, 1992-ci il təvəllüdlü Abil Əliyevin öldürülməsi faktı ilə bağlı prokurorluğa məlumat daxil olub.

İbtidai istintaqla Sədi Əliyevin qardaşı Abil Əliyevlə aralarında yaranmış mübahisə zamanı sonuncunu analarının gözü qarşısında bıçaqla xəsarət yetirərək qəsdən öldürməsinə əsaslı şübhələr müəyyən edilib.

Sədi Əliyevə Cinayət Məcəlləsinin 120.2.4-cü (xüsusi amansızlıqla qəsdən adam öldürmə) maddəsilə yekun ittiham elan edilib, müstəntiqin vəsatəti, ibtidai araşdırmaya prosessual rəhbərliyi həyata keçirən rayon prokurorunun təqdimatı əsasında barəsində məhkəmənin qərarı ilə həbs qətimkan tədbiri seçilib.

Oxşar xəbərlər

Prezident İlham Əliyev Əfv Sərəncamı imzalayıb

Qaradağlı faciəsi ilə bağlı sənədlər məhkəmədə tədqiq olunub

Ağır cinayətlərdə təqsirləndirilən erməniəsilli şəxslərin məhkəməsi davam etdirilib - YENİLƏNİB

Zərərçəkmiş Laçın sakini: İşğala qədər bizim kənd mütəmadi olaraq Ermənistan tərəfindən atəşə tutulurdu

Anasının gözü qarşısında qardaşını öldürməkdə təqsirləndirilən şəxsin məhkəməsi başlayır