Birinci Qarabağ müharibəsində itkin düşmüş hesab edilən və nəşinin qalıqları tapılan şəhid Mübariz Şahmurov dəfn olunub.

Far.Az "Report"a istinadən xəbər verir ki, Bakıda şəhidin ailə üzvlərinə məxsus evdə baş tutan vida mərasimindən sonra şəhidin nəşinin qalıqları Keşlə qəsəbəsindəki Şəhidlər xiyabanında torpağa tapşırılıb.

Dəfn mərasimində mərhumun yaxınları, dövlət və ictimaiyyət nümayəndələri iştirak ediblər.

***11:30

Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən Mübariz Ağahüseyn oğlu Şahmurovla vida mərasimi keçirilib.

"Report"un məlumatına görə, mərasim Bakıda şəhidin ailə üzvlərinə məxsus evdə baş tutub.

Vida mərasimində şəhidin ailə üzvləri, yaxınları, ictimaiyyət nümayəndələri iştirak ediblər.

Şəhidin əmisi İsmayıl Şahmurov bildirib ki, Mübarizin qəlbində Vətən eşqi var idi:

"Mübarizin vətənpərvərliyi haqqında döyüş yoldaşları da danışırdılar. O, körpə uşaqlarını qoyaraq Vətən uğrunda döyüşdü və şəhid oldu".

Vida mərasimindən sonra şəhidin nəşinin qalıqları Keşlə qəsəbəsində yerləşən Şəhidlər xiyabanında dəfn olunacaq.

Qeyd edək ki, M.Şahmurov 1992-ci il fevralın 26-da 29 yaşında Xocalıda şəhid olub.

Oxşar xəbərlər

Birinci Qarabağ müharibəsinin itkin şəhidi Abdulla Quliyevlə vida mərasimi keçirilib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Əminə Yusifqızı ilə vida mərasimi başa çatıb

Azərbaycan ictimaiyyəti Qorbaçovun Nobel Mükafatından məhrum olunmasını istəyir - AÇIQ MƏKTUB

Qubada Birinci Qarabağ müharibəsinin itkin şəhidi dəfn olunub - YENİLƏNİB