Bakının Yasamal rayonunda bəzi küçələrdə yaşayan sakinlərə kondisionerlərin sökülməsi ilə bağlı xəbərdarlıq edilib.

Bu barədə Far.Az-in "qaynar xətti"nə vətəndaşlar tərəfindən müraciət daxil olub.

Sakinlərin sözlərinə görə, Manzil-Kommunal Təsərrüfat Birliyi tərəfindən edilən bildirişdə qeyd olunub ki, binaların fasadlarında quraşdırılan kondisioner və başqa quraşdırılmış əşyalar üç gün ərzində sökülməlidir. Əks halda, həmin avadanlıqlar qurum tərəfindən çıxarılacaq.

"Şəhərimizdə abadlıq işlərinin aparılması ilə əlaqədar olaraq İ. Səfərli küçəsi ilə D. Əliyeva, Vidadi, B. Səfəroğlu, A. Quliyev, H. Aslanov, L. Tolstoy, S. Tağızadə və Nizami küçələrinin kəsişmələrindəyerləşən iaşə obyektlərinin, mənzillərin, müəssisə və özəl təşkilatların nəzərinə! Xahiş edirik, iaşə obyektlərinin, mənzillərin, müəssisə və özəl təşkilatların qarşısında və ətrafında Sizin tərəfinizdən quraşdırılmış dəmir maneələri, yağış çardaqları, kondisionerlər və digər avadanlıqları 3 (üç) gün müddətinə sökəsiniz", - deyə Manzil-Kommunal Təsərrüfat Birliyi tərəfindən göndərilən bildirişdə qeyd olunub.

Bəzi sakinlər bildirirlər ki, binalarının arxa tərəfinə pəncərələri açılmadığı üçün kondisionerləri yerləşdirmək üçün başqa imkanları yoxdur. Belə olan halda kondisionerlərin sökülməsini istəmirlər. Onlar məsul qurumlardan problemin alternativ həll yollarını nəzərdən keçirməyi xahiş ediblər.

Oxşar xəbərlər

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Zəngilanın Məmmədbəyli və Ağalı kəndlərinin sakinlərinə mənzillərin açarları təqdim edilib

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Leyla Əliyeva və Arzu Əliyeva Nyu-Yorkda sərgidə iştirak ediblər

Leyla Əliyeva və Arzu Əliyeva Berlində MAMA "Ana təbiət" sərgisinin açılışında iştirak ediblər