Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunları çərçivəsində cüdo yarışları davam edir.

BAKU.WS xəbər verir ki, 73 kiloqram çəki dərəcəsində mübarizə aparan Olimpiya çempionumuz Hidayət Heydərov növbəti qələbəsini qazanıb.

Təmsilçimiz 1/4 final mərhələsində Qambiya təmsilçisi Faye Aleks Nije ilə üz-üzə gəlib.

Görüş Hidayət Heydərovun "yuka" xallı qələbəsi ilə başa çatıb və o, adını yarımfinal mərhələsinə yazdırıb.

Qeyd edək ki, İslamiadanın bağlanış mərasimi noyabrın 21-də keçiriləcək.

*** 14:26

Azərbaycan cüdoçuları Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında mübarizəyə başlayıb.

BAKU.WS xəbər verir ki, əvvəlcə tatamiyə Gültac Məmmədəliyeva (52 kiloqram) çıxıb. O, türkiyəli rəqibi Buketnur Karabuluta 0:10 hesabı ilə məğlub olub.

Ardınca isə Olimpiya çempionumuz Hidayət Heydərov (73 kiloqram) qüvvəsini sınayıb. 1/8 final mərhələsində Cibutidən olan Aden-Alexandre Huseyn Muhammedi 1:0 hesabı ilə üstələyən titullu idmançımız adını növbəti raundda yazdırıb.

Könül Əliyeva (48 kiloqram), Aydan Vəliyeva (hər ikisi 52 kiloqram), Fidan Əlizadə (57 kiloqram) və Ruslan Paşayev (66 kiloqram) isə mübarizəyə 1/4 finaldan başlayacaqlar.

Qeyd edək ki, Azərbaycanı VI İslam Həmrəyliyi Oyunlarında 20 idman növündə 179 idmançı təmsil edir. Ümumilikdə isə 57 ölkə 23 növdə medallar uğrunda mübarizə aparır.

Oyunların bağlanış mərasimi noyabrın 21-də keçiriləcək.

Oxşar xəbərlər

Hidayət Heydərov VI İslam Həmrəyliyi Oyunlarına qələbə ilə başlayıb

Əminə Yusifqızı ilə vida mərasimi başa çatıb

Alim Nəbiyev MMA-də növbəti qələbəsini qazanıb, rəqibini 1-ci raundda nokaut edib

Prezident İlham Əliyev Yevlax Olimpiya İdman Kompleksinin açılışında iştirak edib

III MDB Oyunları: Azərbaycanın cüdo yığması qarışıq komanda növündə qızıl medal qazanıb