"Telegram" sosial şəbəkəsi bir gündə 500 mindən çox qrup və kanalı bloklayıb ki, bu da bu ilin fevral ayından bəri ən yüksək göstəricidir.

BAKU.WS xəbər verir ki, bu barədə Telegram-ın hesabatında qeyd olunur.

Bildirilir ki, 2025-ci ilin noyabr ayının əvvəlindən messenger 2 810 095 qrup və kanalı bloklayıb. Bununla yanaşı, yalnız 13 noyabrda bloklananların sayı 519 645 təşkil edib. Bu ilin 5 fevralında isə Telegram rəhbərliyi 490 433 qrup və kanalı bloklamışdı.

Ümumilikdə ilin əvvəlindən 34 913 282 qrup və kanal bloklanıb ki, onların 207 772-si terror fəaliyyətləri ilə əlaqəli olub.

Hesabatda qeyd olunur ki, 2015-ci ildən bəri kanallar və qrupların moderasiyası istifadəçi şikayətləri və maşın öyrənməsinə əsaslanan nəzarəti əhatə edir. Keçən ilin əvvəlində bu işlər süni intellekt vasitələri ilə dəstəklənmişdi.

Telegram - müxtəlif formatlarda mesaj və media fayllarının mübadiləsi üçün istifadə olunan messengerdir. 2013-cü ildə Pavel Durov tərəfindən yaradılıb. Telegram-ın aylıq aktiv istifadəçi sayı 1 milyarddan çoxdur.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Gəncə şəhərinin marşrut şəbəkəsi yenidən formalaşdırılıb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Naxçıvanda 8 Noyabr - Zəfər Günü ilə əlaqədar şəhid məzarları ziyarət edilir