"Yeni büdcə müəllim maaşlarına birbaşa təsir göstərə bilər. Dünyada təhsilə xərclənən vəsaitin 60–80 faizi əmək haqqına gedir və Azərbaycan üçün də bu struktur eynidir".

Bu sözləri Far.Az-ə açıqlamasında təhsil eksperti Kamran Əsədov bildirib.

Ekspert əlavə edib ki, təhsilə ayrılan 5 milyardlıq büdcənin artan hissəsi yeni əmək haqqı modelinə keçidi sürətləndirə bilər:

"Nazirliyin təqdim etdiyi modeldə müəllim həftədə 18-24 saat dərs deyir, qalan vaxtını metodik hazırlıq, tədqiqat, layihə, fərdi məşğələlər və məktəbdaxili fəaliyyətə sərf edir. Bu modelə qoşulan müəllimlər üçün diferensial əməkhaqqı, yəni daha sabit, daha yüksək və nəticəyə bağlı maaş sistemi formalaşır.

Bu, sovet dövrünün "stavka və saat yığma" məntiqindən tamamilə imtina etmək və müəllimin əməyini real iş saatı ilə ölçmək üçün vacib addımdır. Bu yanaşma müəllimin nüfuzunu da yüksəldir, çünki o artıq sadəcə dərs saatı daşıyan yox, məktəbin intellektual mərkəzidir".

Orxan Hüseyn

Oxşar xəbərlər

Bakıda dörd tunel və üç yeraltı piyada keçidi inşa edilir

"Şəhərkənarı" ərazilərdə yaşayanlara ŞAD XƏBƏR

Prezident Azərbaycanda sosial müavinətləri artırdı - FƏRMAN

Ekspert: "Dövlət xaricə təhsilə göndərilən hər tələbə üçün 40-50 min dollar sərf edir" - MÜSAHİBƏ

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4