"FIFA series" turniri növbəti dəfə Azərbaycanda təşkil olunacaq.

Bu barədə FIFA prezidenti Canni İnfantino şəxsi sosial şəbəkə hesabında paylaşım edib.

"2026-cı ilin mart və aprel aylarında beynəlxalq oyunlar pəncərəsi çərçivəsində "FIFA Series" turnirinin ilk genişmiqyaslı təşkilini təsdiqləməkdən məmnunam. 2024-cü ilin mart ayında keçirilmiş pilot turnirin uğuruna əsaslanaraq, bu layihə müxtəlif qitələrdən olan milli komandalara ənənəvi konfederasiya sərhədlərindən kənarda yarışmaq və əlaqə qurmaq üçün unikal platforma təqdim edir", - deyə o, bildirib.

Qurum rəhbəri turnirin keçiriləcəyi digər ölkələrin də adlarını açıqlayıb:

"Kişilər arasında "FIFA Series" turniri Avstraliya, Azərbaycan, İndoneziya, Qazaxıstan, Mavriki, Puerto-Riko, Ruanda və Özbəkistanda keçiriləcək. Qadınlar arasında "FIFA Series" isə debütünü Braziliya, Fil Dişi Sahili və Tailandda keçiriləcək oyunlarla edəcək. Bundan əlavə FIFA-nın digər üzv assosiasiyaları da ev sahibliyi etmək niyyətlərini açıqlayıblar".

Qeyd edək ki, 2024-cü ildə "FIFA Series" turnirinə ev sahibliyi edən ölkələrdən biri də Azərbaycan olub.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Azərbaycanla Ruanda arasında sənədlər mübadilə olunub, prezidentlər mətbuata bəyanatlarla çıxış edib

Ruanda Prezidentinin rəsmi qarşılanma mərasimi olub

Bakıda Leyla Əliyevanın təşəbbüsü ilə keçirilən minifutbol turniri yekunlaşıb

Anar Ələkbərov "44" bədii filminin çəkilişlərinin başa çatması barədə paylaşım edib