Bakı Ağır Cinayətlər Məhkəməsində Teymur Qulubəyovun cinayət işi üzrə məhkəmə prosesi keçirilib.

Far.Az Lent.az-a istinadən xəbər verir ki, hakim Telman Hüseynovun sədrliyi ilə keçirilən prosesə T.Qulubəyov onlayn qoşulub.

Dövlət ittihamçısı ittiham aktını elan edib. Təqsirləndirilən T.Qulubəyov özünü təqsirli bilmədiyini deyib:

"Bu adam mənimlə duz-çörək kəsib. Adamı belə öldürərlər ki? Mən onu öldürmək niyyətində olmamışam, istəsəydim, öldürərdim".

Zərərçəkən Əlövsət Səfərov həmin gün Qulubəyovla birlikdə yemək yediklərini deyib:

"Birlikdə oturub yeyib-içirdik. O, birdən özündən çıxdı və stolun üstündəki bıçağı götürüb üstümə cumdu. Kəsdiyimiz duz-çörəyin xatirinə mən onun həbs olunmasını istəmirəm. Onun həbs olunmadan cəzalandırılmasını istəyirəm".

Növbəti məhkəmə prosesi 10 dekabr saat 12:00-a təyin edilib.

Xatırladaq ki, 2024-cü il oktyabrın 12-də saat 18 radələrində Bakının Yasamal rayonu ərazisində 1960-cı il təvəllüdlü Əlövsət Səfərova kəsici alətlə xəsarətlər yetirməkdə şübhəli bilinən 1967-ci il təvəllüdlü Teymur Qulubəyov polis əməkdaşlarının keçirdikləri tədbirlərlə müəyyən olunaraq saxlanılıb. Ona qarşı Cinayət Məcəlləsinin 126.1 maddəsi (qəsdən sağlamlığa ağır zərərvurma) ilə ittiham irəli sürülüb.

Oxşar xəbərlər

Prezident İlham Əliyev Əfv Sərəncamı imzalayıb

"Global Media Group" "Xəzəri qoruyaq" ekoloji aksiyasına qoşulub

Vətən müharibəsində Qələbənin beşinci ildönümünə həsr olunmuş Hərbi parad keçirilib

Vardanyan Paşinyanın, ATƏT-in Minsk qrupu üzvlərinin və BQXK nümayəndələrinin dindirilməsini xahiş edib

Bakıda Azərbaycan səhiyyəsi üçün önəmli tədbir keçirilib