Qorxu keçirən 17 yaşlı gənc bir il əvvəl bitirdiyi məktəbin qarşısındakı həyətdə vəfat edib.

Far.Az Xəzər TV-yə istinadən xəbər verir ki, hadisə dünən axşam saatlarında paytaxtın Sabunçu rayonu, Bakıxanov qəsəbəsində yerləşən 94 nömrəli məktəbin qarşısında baş verib.

17 yaşlı Eşqin Məhi oğlu Rüstəmov yaxın dostlarının əhatəsində dünyasını dəyişib. Məlumata görə, onun ayağının altına atılan pirotexniki vasitə partlayıb və yeniyetmə bu səbəbdən kəskin həyəcan keçirib.

Hadisə anında Eşqin Rüstəmovun yanında olan həmyaşıdları da partlayışdan sonra onun ciddi təşviş yaşadığını bildiriblər.

Hadisə şahidlərindən Fidan Hüseynovanın sözlərinə görə, təcili tibbi yardım ilkin yardım göstərdikdən sonra ərazidən uzaqlaşıb, lakin daha sonra Eşqinin səhhəti yenidən pisləşib.

Mərhumun qonşuları qeyd ediblər ki, Eşqin Rüstəmovun ailəsi əslən Cəbrayıl rayonundandır. O, ailənin tək oğlu olub və bir bacısı var.

Oxşar xəbərlər

Silahlı Qüvvələrin bir qrup hərbi qulluqçu təltif edilib

Sumqayıtda 36 nömrəli tam orta məktəbin yenidənqurmadan sonra açılışı olub

Prezident İlham Əliyev Əfv Sərəncamı imzalayıb

Paytaxtda sakinlər üçün təhlükə mənbəyi olan ÜNVANLAR - "Qorxu içində gəzirik"

Qurbanlıq heyvanların satışı və kəsimi xidmətləri göstəriləcək ünvanlar açıqlanıb