Sumqayıt şəhəri, 8-ci mikrorayonda yerləşən binadan mənzil alan bir qrup sakin, MTK sahiblərinin onları illərdir aldatdığını iddia edir.

2022-ci ildə təhvil verilməli olan yaşayış binası hələ də istismara verilməyib. Nəticədə mənzilləri olduğu halda, sakinlər kirayədə qalmağa məcbur olurlar.

Narazı sakinlərdən biri vəziyyətlə bağlı öz etirazını bildirib: "Mən buradan ev almışam ki, heç olmasa ən azı bir il, iki il keçsin, gəlim burada yaşayım. Bu dələduzları mən kimə şikayət edim? Şikayət etmədiyim yer qalmayıb. Mən evimdə yaşamaq istəyirəm. Camaat ipoteka ilə aldığı evdə yaşaya bilir, biz nağd verdiyimiz evdə gəlib yaşaya bilmirik",- deyə şikayətçi vurğulayıb.

Son zamanlar bu kimi hallarla qarşılaşan vətəndaşların sayı kifayət qədərdir. Əsas problem ondan ibarətdir ki, vətəndaş MTK ilə müqavilə imzalayır, lakin MTK müqavilədə qeyd olunan vaxtda binanı təhvil verə bilmir, bu da sakinlərin ciddi maddi və mənəvi zərərlə üzləşməsinə səbəb olur.

Daha ətraflı Baku TV-nin videomaterialında:

Oxşar xəbərlər

Prezident İlham Əliyev Əfv Sərəncamı imzalayıb

Xətai rayonunda Heydər Əliyev Fondu tərəfindən yeni məktəb binası istifadəyə verilib

Bakıda insanlara qurulan "ölüm tələsi" - Vətəndaşları kimlər narazı salır?

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Həyatda yaxşı şeyləri niyə görmürük? - Tanınmış simaların FİKİRLƏRİ