Azərbaycanda 2025-ci ilin ən yaxşı futbol məşqçisinin adı məlum olub.

BAKU.WS xəbər verir ki, Komanda.az saytının jurnalistlər arasında keçirdiyi ənənəvi sorğuda "Qarabağ"ın baş məşqçisi Qurban Qurbanov digər namizədləri böyük fərqlə qabaqlayaraq, birinci yeri tutub.

Qurbanov 63 jurnalistin qatıldığı sorğuda 58 səs toplamaqla, 2025-ci ilin ən yaxşı məşqçisi seçilib. Bununla da, o, 15-ci dəfə Azərbaycanın ən yaxşı məşqçisi adını qazanıb.

Sorğuda iştirak edənlərdən 2-si son mövzümdə "Sabah"a ölkə kubokunu qazandıran Vasili Berezutskiyə, 1-i "Zirə"nin "sükanı arxasında" olan Rəşad Sadıxova, 1-i "Araz-Naxçıvan"ın çalışdırıcısı Elmar Baxşıyevə, 1-i isə milli komandanın və "Şamaxı"nın baş məşqçisi Ayxan Abbasova səs verib.

"Qarabağ" ötən mövsümdə Qurban Qurbanovun rəhbərliyi altında Azərbaycan Premyer Liqasında çempionluq sevinci yaşayıb. Bundan başqa, Qurbanovun komandası tarixində ikinci dəfə UEFA Çempionlar Liqasında əsas mərhələyə yüksəlib. Hazırda da bu turnirdə çıxışını davam etdirən "köhlən atlar" "Benfika", "Kopenhagen" kimi komandaları məğlub edib, "Çelsi" ilə oyunda bərabərə qalıb.

Oxşar xəbərlər

Mənsum İbrahimov bu universitetin "Fəxri Professor"u seçildi

İlham Əliyev Cəbrayılın Horovlu kəndinin birinci mərhələsinin açılışında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Qurban Qurbanov və futbolçuları Yeni Robotik Reabilitasiya Mərkəzini ziyarət ediblər