Türkiyədə qəbir yeri baxmağa çıxan dayı və qardaşoğlu yol qəzasında həyatını itirib.

BAKU.WS xəbər verir ki, hadisə dünən səhər Giresunun Bulancak rayonunda baş verib. Anası Ayşə Şimşek üçün qəbir yeri seçməyə gedən Rayif Şimşek və onun qardaşoğlu Emin Yılmaz Kovanlık Aydındere yolunda ağır qəza keçirib. Yağış səbəbindən yoldakı sürüşkənlik nəticəsində idarəetməni itirən 28 ES 850 dövlət nömrə nişanlı avtomobil Pazarsuyu çayına düşüb.

Qəza zamanı Rayif Şimşek avtomobilin içində sıxışaraq dünyasını dəyişib, sürücü Emin Yılmaz isə təqribən 2 kilometr aşağıda cansız halda tapılıb.

Hər iki mərhum üçün Giresun Teyyaredüzü Serpilə Hatun məscidində Cümə namazından sonra vida mərasimi keçirilib. Dəfn mərasimində Giresun Bələdiyyə Başçısı Fuat Köse, siyasi partiya nümayəndələri, qohumlar və bölgə sakinləri iştirak edib.

Rayif Şimşek və Emin Yılmazın cənazələri dualarla Teyyaredüzü məhəlləsi qəbiristanlığında torpağa tapşırılıb.

Oxşar xəbərlər

Əminə Yusifqızı ilə vida mərasimi başa çatıb

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Birinci Qarabağ müharibəsinin itkin şəhidi Abdulla Quliyevlə vida mərasimi keçirilib

Dünən restoranda həyatını itirən Cavidan Muradlı dəfn olundu

Xalq artisti Əminə Yusifqızı dəfn olunub