Avropa İttifaqı (Aİ) azad ticarət sazişinin imzalanmasını təxirə salmağa davam etsə, Cənubi Amerika Ümumi Bazarı (MERCOSUR) ölkələri Orta Asiyaya yeni ixrac imkanlarını nəzərdən keçirməyə hazırdırlar.

"Report"un məlumatına görə, Paraqvay lideri Santyaqo Penya bunu Braziliyada keçirilən birlik sammitində deyib.

"Biz sadəcə otura və Aİ-nin qərarını gözləyə bilmərik. Hesab edirəm ki, oxşar sazişlər bağlaya biləcəyimiz bir çox başqa ölkələr var. Mərkəzi Asiya ölkələri ilə münasibətlərdə böyük imkanlar görürük", - o deyib.

Dövlət başçısının sözlərinə görə, Aİ ölkələri hələ də azad ticarət sazişinin Cənubi Amerika iqtisadi birliyindən daha çox özlərinə daha çox ehtiyac duyduqlarını başa düşməyiblər. "Biz sanki qurbangahda gəlini gözləyən kürəkən rolundayıq", - Penya deyib.

Daha əvvəl Avropa Komissiyasının prezidenti Ursula fon der Lyayen Aİ liderlərinə Aİ- MERCOSUR azad ticarət sazişinin imzalanmasının təxirə salındığını bildirmişdi. İmzalanma 2026-cı ilin yanvar ayında baş tuta bilər.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Yaxın Şərq Sülh Sammitində iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Ursula Fon der Lyayen: Aİ-nin genişlənməsi strateji seçimdir