Ukrayna əvvəlki razılaşmalar və qərarlarla nəzərdə tutulmuş 16 milyard dollar məbləğində yardımı ABŞ-dən almayıb.

"Far.Az" xəbər verir ki, bunu Ukrayna Prezidenti Volodimir Zelenski TSN-ə müsahibəsində bildirib.

"Məsələ qaldırmaq lazımdır ki, əvvəlki razılaşmalardan və qərarlardan 16 milyard dollar dayandırılıb, daha 16 milyard dollar isə ayrılmayıb. Necə olursa-olsun və biz təqdim edilən hər şeyə görə minnətdarıq, ancaq ən azından bu pullar üçün Ukrayna mübarizə aparmalıdır", – o bildirib.

Zelenskinin sözlərinə görə, Kiyev demokratların və respublikaçıların ikipartiyalı dəstəyini qoruyub saxlayaraq, ABŞ-nin yeni siyasi qüvvələri ilə tez bir zamanda dialoq qurmalıdır.

"Qüvvələrin yenidən bölüşdürülməsini (ABŞ siyasətində - red.) dərk edərək, dialoqu düzgün qurmaq lazımdır. İndi ABŞ-dən əlavə yardım almaq şanslarımız arta bilər", – Ukrayna lideri yekunlaşdırıb.

Xatırladaq ki, ABŞ-də aralıq seçkilər 3 noyabr 2026-cı ildə keçirilib. İlkin məlumatlara görə, Demokratlar Partiyası ABŞ Konqresinin hər iki palatasında (Nümayəndələr Palatasında və Senatda) səs çoxluğu əldə edərək və respublikaçıları qanunverici hakimiyyət üzərində təkbaşına nəzarətdən məhrum edib.

Oxşar xəbərlər

İlham Əliyev VII Ümumdünya Mədəniyyətlərarası Dialoq Forumunun açılışında çıxış edib

Buxarestdə 8 Noyabr - Zəfər Gününə həsr olunmuş tədbir keçirilib

1 Noyabr-Kənd Təsərrüfatı İşçiləri Günü münasibətilə jurnalistlər üçün maarifləndirici təlim keçirilib

UEFA Konfrans Liqası: "Qarabağ" Kiyev "Dinamo"sunu məğlub edərək pley-offa yüksəlib - YENİLƏNİB-5

İlham Əliyev VII Ümumdünya Mədəniyyətlərarası Dialoq Forumunun açılışında çıxış edib - Yenilənib-3