İran Kosmik Agentliyinin (ISA) rəhbəri Həsən Salariye dekabrın 28-ində kosmosa yerli istehsal olan üç peyk buraxılacağını bəyan edib.

Bu barədə "Report" İran KİV-inə istinadən xəbər verir.

Onun sözlərinə görə, buraxılışlar Rusiyada "Şərq" kosmodromunda "Soyuz" daşıyıcı raketi vasitəsilə həyata keçiriləcək. Peyklərin təxminən 500 kilometr yüksəklikdə yerləşən yer kürəsinin aşağı orbitinə çıxarılması nəzərdə tutulub.

Bu gün "Press TV" kanalı "Zafar-2" və "Paya" peyklərinin Rusiya "Soyuz" daşıyıcı raketinin separator blokuna uğurla inteqrasiya edildiyini bildirib. İnteqrasiya ilə bağlı bütün müvafiq sınaqlar uğurla başa çatıb.

İran Elm və Texnologiya Universitetində hazırlanmış "Zafar-2" peyki, əvvəlki versiyasından fərqli olaraq, təsvir alma və telekommunikasiya üzrə təkmilləşib.

"Paya" peyki yerin məsafədən tədqiqi missiyalarının mühüm hissəsidir və müxtəlif tapşırıqlar üçün 5 m (ağ-qara) və 10 m (rəngli görüntülər) yüksək ayırdetmə qabiliyyətinə malik məlumatlar təqdim edir. O həmçinin kənd təsərrüfatı, su resurslarının idarə edilməsi, ətraf mühitin monitorinqi və şəhərin xəritəyə alınması kimi mühüm sektorlarda istifadə olunacaq.

Oxşar xəbərlər

Bakıda keçirilən Hərbi parad dünya KİV-ində geniş işıqlandırılıb

Halvaçılığdan ipəkçiliyə, tarixin rəngli pəncərələrinə - Şəki SƏFƏRİ

SOCAR-ın dəstəyi ilə hazırlanmış "Qara qızılın sirri" adlı kitabın təqdimatı keçirilib

Qarabağ Universitetində "Mənəvi dəyərlər" günü keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib