Avropa İttifaqı (Aİ) ABŞ-nin Venesuelaya son hücumuna cavab olaraq sərt bəyanat yayıb. Macarıstan birgə qətnaməni dəstəkləməkdən imtina edib.

"Report"un məlumatına görə, bu, Aİ-nin diplomatik xidmətinin veb saytında dərc olunmuş bəyanatının mətnində əksini tapıb.

Aİ-nin xarici işlər və təhlükəsizlik siyasəti üzrə Ali nümayəndəsinin bəyanatında bildirilir ki, ittifaqın 27 üzv dövlətindən 26-sı bəyanatı dəstəkləyib. Macarıstanın siyahıda adı yoxdur.

Sənəddə münaqişənin bütün tərəflərinin vəziyyətin daha da gərginləşməməsi və böhranın sülh yolu ilə həllinin təmin edilməsi üçün təmkinli olmalarının vacibliyi vurğulanır.

"Aİ xatırladır ki, beynəlxalq hüquq prinsiplərinə və BMT nizamnaməsinə hər zaman hörmət edilməlidir. BMT Təhlükəsizlik Şurasının üzvləri beynəlxalq təhlükəsizlik arxitekturasının təməli kimi bu prinsipləri dəstəkləmək üçün xüsusi məsuliyyət daşıyırlar", - sənəddə deyilir.

Oxşar xəbərlər

Bişkekdə TDT ölkələri hökumət başçılarının iclası olub, Birgə Bəyanat qəbul edilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4