Özbəkistanın cənubunda yerləşən və ölkənin ən böyük karbohidrogen yataqlarından biri sayılan "Müstəqilliyin 25 ili" yatağında neft tərkibli mayenin səthə çıxması qeydə alınıb.

Far.Az xəbər verir ki, bu barədə ölkənin Energetika Nazirliyi məlumat yayıb.

Məlumatda bildirilir ki, hadisə dekabr ayının sonunda baş verib. Neft sızmasının qarşısını almaq məqsədilə sızma nöqtəsi ətrafında və axarın keçdiyi ərazi boyunca əlavə qoruyucu hovuzlar inşa olunub.

Nazirlikdən bildirilib ki, toplanan neft tərkibli maye fasiləsiz olaraq xüsusi sahəyə daşınır. Həmin ərazidə həcmi 5 min kubmetr olan, xüsusi izolyasiya edilmiş iki şlam hovuzu mövcuddur. Bu hovuzlar neft mayesinin təhlükəsiz saxlanılmasına və gələcəkdə səmərəli istifadəsinə imkan verir.

Qeyd olunub ki, insidentin nəticələrinin aradan qaldırılması zamanı sənaye və ekoloji təhlükəsizlik tələblərinə ciddi əməl edilir, eyni zamanda neft tərkibli mayedən nümunələr götürülərək analiz aparılır.

"Müstəqilliyin 25 ili" yatağı 1975-ci ildə kəşf edilib. Onun ehtiyatları 150 milyard kubmetr təbii qaz həcmində qiymətləndirilir. Layihə çərçivəsində qaz emalı kompleksinin tikintisi də nəzərdə tutulub.

Oxşar xəbərlər

Nazirlikdən "Baku Electronics" MMC-yə məxsus mağazada YOXLAMA

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

30 illiyini qeyd edən Azərbaycan enerjisinin ötən ilinə baxış