Türkiyənin “Haber Global” kanalı Azərbaycanın meşə yanğınlarına qarşı mübarizədə Türkiyəyə verdiyi dəstəklə bağlı material hazırlayıb.

“Report” xəbər verir ki, materialda Prezident İlham Əliyevin tapşırığı əsasında Türkiyəyə göndərilən amfibiya təyyarəsindən söz açılıb.

Bildirilib ki, Türkiyənin günlərlə meşə yanğınları ilə apardığı mübarizəyə Azərbaycan da öz dəstəyini əsirgəməyib:

“Prezident İlham Əliyevin tapşırığı əsasında Türkiyəyə göndərilən Be-200 amfibiya təyyarəsi gəldiyi ilk gündən etibarən, İzmir və Muğla bölgələrində yanğınla mübarizəyə ciddi dəstək verir. Bu təyyarə 12 ton su tutumu ilə yanğının nəzarətə götürülməsində əhəmiyyətli rol oynayır və gəldiyi gündən yanan əraziyə 114 ton suyu boşaldıb.

Azərbaycanın Fövqəladə Hallar Nazirliyinin şəxsi heyəti tam hazır vəziyyətdə gözləyir. Türkiyə tərəfi köməyə ehtiyac görərsə, həmin şəxsi heyət yanğının söndürülməsinə cəlb olunacaq”.

Materialda son yanğınların intensivləşdiyi gün iki ölkə başçısının telefon danışığına toxunulub və bildirilib ki, Prezident İlham Əliyevin tapşırığı əsasında Türkiyəyə göndərilən yanğınsöndürmə təyyarəsi hazırda bu istiqamətdə fəaliyyətini davam etdirir.

Oxşar xəbərlər

“Haber Global”: Azərbaycan meşə yanğınlarına qarşı mübarizədə Türkiyəyə böyük dəstək verir - VİDEO

FHN rəsmisi: Səhər Türkiyədə meşə yanğınının söndürülməsinə dəstək verəcəyik

FHN rəsmisi: Səhər saatlarında Türkiyədə meşə yanğınının söndürülməsinə dəstək verəcəyik

Azərbaycan Sərhəd Mühafizəsinin yaranmasından 105 il ötür

Azərbaycanın amfibiya tipli təyyarəsi İzmirdə eniş edib - FOTO - YENİLƏNİB