Sumqayıtda atasını döyərək öldürməkdə təqsirləndirilən 17 yaşlı Z.B.-nin cinayət işi üzrə məhkəməsi yekunlaşıb.

BAKU.WS Oxu.Az-a istinadən xəbər verir ki, Sumqayıt Ağır Cinayətlər Məhkəməsində Nurəddin Hüseynlinin sədrliyi ilə keçirilən yekun prosesdə hökm oxunaraq, Z.B. 7 il 6 ay müddətinə azadlıqdan məhrum edilib.

Cinayət Məcəlləsinin 85.5-ci maddəsinə əsasən, azadlıqdan məhrum etmə növündə cəza yetkinlik yaşına çatmayanlara on ildən çox olmayan müddətə təyin edilir.

Qeyd edək ki, ötən ilin iyul ayında Sumqayıt şəhərində baş verib. 44 yaşlı Aslan Bədirovun döyülərək xəstəxanaya yerləşdirilməsi, daha sonra isə orada ölməsi barədə polisə məlumat daxil olub.

Polis əməkdaşlarının keçirdikləri tədbirlərlə əməli törətməkdə şübhəli bilinən yetkinlik yaşına çatmayan 17 və 16 yaşlı iki nəfər müəyyən olunaraq saxlanılıb. Saxlanılanların hər ikisi ölən şəxsin oğlanlarıdır.

Prokurorluqda aparılan araşdırmalarla cinayət əməlinin 17 yaşlı Z.B. tərəfindən törədilməsi müəyyən olunub.

Onun barəsində Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) maddəsi ilə yekun ittiham elan olunub.

Oxşar xəbərlər

Ermənistan vətəndaşlarının məhkəməsində prokurorların təklifləri səsləndirilib

Prezident İlham Əliyev Əfv Sərəncamı imzalayıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2