Şöhrət hər zaman xoşbəxtlik demək deyil. Bəzi məşhur şəxslərin həyatı doğulduqları andan etibarən ağır faciələr, itkilər və psixoloji sarsıntılarla müşayiət olunub. Bu cür talelər həm xarici, həm də türk məşhurları arasında geniş yayılıb.

Far.Az xəbər verir ki, Merilin Monro uşaqlıq illərini uşaq evlərində keçirib. Anası psixi xəstəlikdən əziyyət çəkirdi. Aktrisa həyat boyu depressiya və asılılıq problemləri ilə mübarizə aparıb və 36 yaşında vəfat edib.

Maykl Cekson sərt ata nəzarəti altında böyüyüb, uşaqlığını demək olar ki, yaşamayıb. Sonrakı illərdə sağlamlıq problemləri, məhkəmə çəkişmələri və dərman asılılığı ilə üzləşib. 50 yaşında dünyasını dəyişib.

Frida Kalo uşaqlıqda poliomielit xəstəliyi keçirib, gəncliyində ağır yol qəzası nəticəsində ömürlük ağrılar yaşayıb. Şəxsi həyatı və sağlamlıq problemləri onun taleyini faciəyə çevirib.

Elvis Presl kasıb ailədə dünyaya gəlib, doğulduğu gün əkiz qardaşını itirib. Şöhrətdən sonra dərman asılılığı və sağlamlıq problemləri yaşayıb. 42 yaşında vəfat edib.

Müslüm Gürses uşaqlığında ailə faciəsi yaşayıb, atasının anasını öldürməsi onun həyatına dərin iz salıb. Keçirdiyi qəza nəticəsində uzun illər sağlamlıq problemləri ilə üzləşib.

Bergen (Belgin Sarılmışer) uşaqlıqda yoxsulluq, gənclikdə isə ağır məişət zorakılığı yaşayıb. Keçmiş həyat yoldaşı tərəfindən qətlə yetirilib.

Emi Uaynhaus erkən yaşlardan psixoloji problemlər və asılılıqlarla mübarizə aparıb. Şəxsi həyatı daim qalmaqallarla müşayiət olunub. 27 yaşında həyatını itirib.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Gələcəyə ümidlə baxan uşaqların sağlamlıq arzusu burada gerçəkləşə bilər

2025-ci ildə vəfat edən AZƏRBAYCANLI MƏŞHURLAR - SİYAHI

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN