Madridin "Real" klubu İspaniya futbol çempionatının 20-ci turunda ev oyununda "Levante"ni 2:0 hesabı ilə məğlub edib.

"Report"un məlumatına görə, görüş "Santyaqo Bernabeu" stadionunda keçirilib.

Qolları Kilian Mbappe (58-ci dəqiqə, penalti) və Raul Asensio (65-ci dəqiqə) vurublar.

"Real" Alvaro Arbeloanın rəhbərliyi altında ikinci oyununu keçirib. İspaniyalı mütəxəssis 12 yanvarda komandanın baş məşqçisi təyin olunaraq həmvətəni Xabi Alonsonu əvəz edib. Arbeloa ilə ilk oyunda "Real" İspaniya Kubokunun 1/8 finalında ikinci divizion təmsilçisi "Albasete"yə (2:3) sensasion şəkildə uduzmuşdu.

"Real"ın hesabında 48 xal var və komanda turnir cədvəlində 2-ci yerdə qərarlaşıb, "Barselona"dan 1 xal geri qalır. Kataloniya klubu 20-ci turun oyununu bazar günü səfərdə "Real Sosyedad"a qarşı keçirəcək. "Levante" isə 14 xalla 19-cu pillədədir.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

KİV: Alvaro Arbeloa "Real Madrid"də Xabi Alonsonu əvəz edəcək əsas namizəddir

Vətən müharibəsində Qələbənin beşinci ildönümünə həsr olunmuş Hərbi parad keçirilib

20 Sentyabr - Neftçilər Günü münasibətilə tədbir keçirilib

"Real" Alvaro Arbeloa ilə də yollarını ayıra bilər