"Qarabağ"ın müdafiəçisi Bəhlul Mustafazadə Çempionlar Liqasında qol vuran ilk Azərbaycan vətəndaşı kimi tarixə düşüb. O, ümumilikdə isə ikinci azərbaycanlıdır.

BAKU.WS-in məlumatına görə, turnirdə ilk dəfə fərqlənən azərbaycanlı isə "Spartak"da çıxış edən Ramiz Məmmədov olub.

O, Çempionlar Liqasında 1995-ci ildə "Spartak"da çıxış edərkən fərqlənməyi bacarıb. Azərbaycanlı futbolçu İngiltərə çempionu "Bləkbörn Rovers" klubuna qol vurub.

Ramiz Məmmədov Moskvada anadan olub, lakin hər zaman özünü azərbaycanlı hesab edib. O, sovet pasportunda da milliyyətini azərbaycanlı kimi qeyd etdirib. Anası rus, atası isə Gürcüstandan olan azərbaycanlıdır (Tbilisidən təxminən 100 km aralıda yerləşən və azərbaycanlıların kompakt yaşadığı Qarabulax kəndindən). Ramiz Məmmədov hər yayını Azərbaycanda kənd mühitində keçirib və bu səbəbdən ana dilində sərbəst danışır.

Cinah müdafiəçisi Çempionlar Liqasında üç klubun heyətində çıxış edib: Rusiyanın "Spartak", Ukraynanın "Dinamo" və Avstriyanın "Şturm" klublarında. Onun hesabında bu turnirdə 33 oyun və 2 qol var.

Qeyd edək ki, Bəhlul Mustafazadənin qarşısında böyük hədəflər durur. Ümid edək ki, B.Mustafazadə bu turnirdə daha böyük uğurlar əldə etmək imkanı qazanacaq.

Oxşar xəbərlər

Prezident İlham Əliyev Əfv Sərəncamı imzalayıb

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Doğulanda atası 40 qoyun kəsdirdi, anası bəzəndi deyə onu döydü - Reanimasiyada olan Fatih Ürek haqqında BİLİNMƏYƏNLƏR

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2