Baku TV-nin "İdmanda nə baş verir?" podkastının növbəti buraxılışında idman jurnalisti Araz Əhmədovla Azərbaycan çempionatı haqqında müzakirə aparılıb.

O, "Qarabağ" və "Turan Tovuz" arasında baş tutan matçla bağlı fikirlərini bölüşüb:

"Bu mövsüm Ağdam klubu üçün heç də ürəkaçan olmayacaq. Çünki rəqiblər xeyli güclənib. "Turan Tovuz"da artıq sistem formalaşıb. Komanda bu gün uduzsa da, azarkeşlər məğlubiyyətdən deyil, daha çox komandanın yaxşı oyun nümayiş etdirməsindən danışırlar. "Turan Tovuz"da rəqabətədavamlı kollektiv yaranıb. Rəqiblər gücləndikcə Qurban Qurbanovda narahatlığın yaranması gözləniləndir".

Araz Əhmədov həmçinin "Zirə" klubunun hazırkı durumunu dəyərləndirib:

"Rəşad Sadıqov artıq 6 ildir ki, "Zirə"də çalışır. Bu müddət ərzində komandada sistem formalaşmayıbsa, uğur gözləməyə dəyməz. Klubun ciddi maliyyə vəsaiti sərf edərək qurduğu heyət sistemsiz fəaliyyət göstərirsə, burada günah baş məşqçidədir".

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Gənclər və İdman Nazirliyi 2025-ci ilin ən yaxşılarını açıqlayıb - YENİLƏNİB

Prezident İlham Əliyev Yevlax Olimpiya İdman Kompleksinin açılışında iştirak edib

AHİİTA-nın idman zalında şərait yaxşılaşdırılıb