Ukrayna Prezidenti Volodimir Zelenski Rusiyanın nəzarətində olan ərazilərin Moskvaya məxsus olduğunu qəbul etməyəcəklərini bildirib.

BAKU.WS xəbər verir ki, o, bu barədə Türkiyəyə səfəri zamanı "CNN Türk"ə müsahibəsində danışıb.

Zelenskinin sözlərinə görə, Ukraynanın prioriteti mövcud cəbhə xəttində atəşkəsə nail olmaq, daha sonra isə digər məsələləri müzakirə etməkdir. O vurğulayıb ki, Krım da daxil olmaqla, işğal altındakı ərazilərdən imtina etmək ölkənin Konstitusiyasına və xalqın iradəsinə ziddir.

Prezident qeyd edib ki, mümkün sülh danışıqlarında enerji, dənizdə atəşkəs və əsir mübadiləsi məsələləri müzakirə oluna bilər. Əsas məqsəd isə güclü nəzarət mexanizmi ilə təmin edilən tam və qeyd-şərtsiz atəşkəsə nail olmaqdır.

Zelenski təhlükəsizlik zəmanətlərinin vacibliyini də vurğulayıb və Ukraynanın hücuma məruz qalan tərəf kimi bu təminatlara daha çox ehtiyac duyduğunu bildirib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2