Sumqayıtda 36 yaşlı kişi dəm qazından boğularaq həyatını itirib.

Hadisə şəhərin Corat qəsəbəsi, Nəriman Nərimanov küçəsində yerləşən fərdi yaşayış evlərindən birində qeydə alınıb.

Belə ki, Əbülfəz Vahabovun cansız bədəni qonşuları tərəfindən aşkarlanıb.

Hadisənin təfərrüatı və Əbülfəz Vahabovun son saatları barədə mərhumun yaxın dostu bunları deyib:

"Saat onun yarısında qonşulardan onu görən olub. Hamamdan qaz sızıb. Günorta saat ikinin yarısında isə qonşular artıq görüblər ki, səs-soraq yoxdur. Evdə tək olub, işdən növbədən gəlibmiş. Duş qəbul edəndə, yəqin, fikir verməyib. Qonşular xəbər çıxmadığını və qapının bağlı olduğunu görüb, hasardan tullanaraq içəri giriblər. Yanına çatanda artıq dünyasını dəyişdiyini görüblər, bədəni buz kimi imiş".

Faktla bağlı Sumqayıt Şəhər Prokurorluğunda araşdırma aparılır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyev Ağdamda 2-ci yaşayış kompleksinin açılışında iştirak edib

Balıkesirdəki zəlzələ zamanı 25 bina zərər görüb