İsrail Livanın şimalında əməliyyatları dayandırmağı planlaşdırmır, “Hizbullah”a qarşı hərbi əməliyyatlar ölkənin qələbəsinə qədər davam edəcək.

“Report” İsrail mətbuatına istinadən xəbər verir ki, bu barədə xarici işlər naziri İsrael Katz “X” sosial şəbəkəsindəki hesabında yazıb.

“Şimalda atəşkəs olmayacaq. Qələbə əldə edənə və şimal sakinləri təhlükəsiz şəkildə evlərinə qayıdana qədər “Hizbullah” terror təşkilatı ilə mübarizəmizi var gücümüzlə davam etdirəcəyik”, – o qeyd edib.

Yerli KİV-in məlumatına görə, İsrailin baş naziri Benyamin Netanyahu ölkənin Müdafiə Qüvvələrinə şimalda döyüşləri ona təqdim olunan planlara uyğun olaraq davam etdirməyi tapşırıb.

Daha əvvəl “Sky News” telekanalı ABŞ rəsmilərinə istinadən bildirmişdi ki, yaxın saatlarda tərəflər arasında atəşkəs elan edilə bilər.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

İsraildə etiraz aksiyaları – hökumətə həm təzyiq, həm də dəstək - ANALİZ

İsrailin Livanın cənubuna endirdiyi zərbələr nəticəsində ölənlərin sayı 320-ni keçib - YENİLƏNİB - 4