Misli Premyer Liqasının XXIV turuna bu gün iki matçla start veriləcək.

"Far.Az" xəbər verir ki, ilk olaraq "Araz-Naxçıvan" "Karvan-Yevlax"la üz-üzə gələcək.

Qarşılaşma Bakıdakı "Liv Bona Dea Arena"da, saat 18:30-da start götürəcək.

Naxçıvan təmsilçisi 33 xalla 5-ci, Yevlax klubu 8 xalla sonuncu - 12-ci pillədə qərarlaşıb.

Günün ikinci matçında "Şamaxı" səfərdə "Sumqayıt"la münasibətlərə aydınlıq gətirəcək. Görüş Mehdi Hüseynzadə adına Sumqayıt şəhər stadionunda, saat 20:30-da başlayacaq.

Meydan sahibləri 32 xalla 6-cı, qonaqlar 27 xalla 8-ci sıradadır.

Misli Premyer Liqası

III dövrə, XXIV tur

13 mart

18:30. "Araz-Naxçıvan" – "Karvan-Yevlax"

Hakimlər: Kamranbəy Rəhimov, Zeynal Zeynalov, Kərim Zeynalov, İslam Məmmədov.

VAR: Elvin Bayramov.

AVAR: İnqilab Məmmədov.

Hakim-inspektor: Munis Abdullayev.

AFFA nümayəndəsi: Eldəniz Musayev.

"Liv Bona Dea Arena"

20:30. "Sumqayıt" – "Şamaxı"

Hakimlər: Cavid Cəlilov, Kamran Bayramov, Müslüm Əliyev, Əkbər Əhmədov.

VAR: Əli Əliyev.

AVAR: Vüsal Məmmədov.

Hakim-inspektor: Ömər Paşayev.

AFFA nümayəndəsi: Emin Cəfərov.

Mehdi Hüseynzadə adına Sumqayıt şəhər stadionu

Qeyd edək ki, tura martın 15-də yekun vurulacaq.

Oxşar xəbərlər

Bakıdakı hərbi paraddan maraqlı FOTOLAR

Premyer Liqa: "Qəbələ" – "Neftçi" və "Zirə" – "Qarabağ" matçlarının hakim təyinatları açıqlanıb

AFFA rəhbərliyi cənub bölgəsinə səfər edib

Azərbaycan Premyer Liqasında XX turun hakim təyinatları açıqlanıb

Premyer Liqa: "Qarabağ" – "Sabah" oyununun hakimləri müəyyənləşib