30 yaşında yaddaşın zəifləməsinin səbəbləri açıqlanıb.

BAKU.WS "The Times of India"ya istinadən xəbər verir ki, bu barədə hindistanlı həkim, nevroloq Ancani Kumar Şarma bildirib.

O qeyd edib ki, 30 yaş ətrafında olan insanlarda yaddaş itkisi əksər hallarda sağlamlıq problemləri ilə deyil, həyat tərzi ilə bağlıdır.

Həkim gənclərdə zəif yaddaşın əsas səbəbləri kimi xroniki stress, yuxu çatışmazlığı, narahatlıq, depressiya, B12 vitamini çatışmazlığı və tiroid disfunksiyasını göstərib.

"Beynin həddən artıq fəaliyyətdə olması və birdən çox tapşırıq yerinə yetirmək də beyin fəaliyyətinə mənfi təsir göstərir. Çox vaxt bu, əsl yaddaş itkisi deyil, diqqətin azalmasıdır", - deyə nevroloq qeyd edib.

Şarma onu da vurğulayıb ki, uzun müddət davam edən stress kortizol hormonunun səviyyəsini artırır və bu hormon beynin yaddaşdan məsul olan hipokampus bölgəsinə təsir göstərir.

Yuxusuzluq həmçinin beynin məlumatları emal etmək və saxlamaq qabiliyyətinə mane olur və insanların son hadisələri xatırlamasını və gündəlik işləri yerinə yetirməsini çətinləşdirir.

Oxşar xəbərlər

Gələcəyə ümidlə baxan uşaqların sağlamlıq arzusu burada gerçəkləşə bilər

Həyatda yaxşı şeyləri niyə görmürük? - Tanınmış simaların FİKİRLƏRİ

"Nine Senses"də Sağlamlıq Həftəsi çərçivəsində Sağlamlıq Günü keçirildi

40 yaşında parkda donaraq ölən "Yeşilçam" aktyorunun təsirli HƏYAT HEKAYƏSİ

"Günəşli" sağlamlıq mərkəzində müalicə və istirahət şəraiti yaxşılaşdırılıb