"Liverpul"un hücumçusu Mohamed Salah yay transfer pəncərəsində komandadan ayrılmağa yaxındır.

Far.Az xəbər verir ki, bu barədə "talkSPORT"un jurnalisti Pol Smit məlumat yayıb.

O bildirib ki, futbolçunun hazırda özünə inamla bağlı problemləri var və belə hallarda oyunçuya qarşı həddindən artıq tənqidi yanaşmaq düzgün deyil.

Smitin sözlərinə görə, Salah həmişə zəif oyun nümayiş etdirdiyi matçlarda belə, bir epizodla fərq yarada bilən futbolçu olub və bu xüsusiyyət onun təbiətindədir:

"Düşünürəm ki, istənilən idman növündə müəyyən mərhələ başa çatmağa yaxınlaşanda bunu göstərən əlamətlər ortaya çıxır. Hazırda biz belə bir vəziyyətin şahidi oluruq. Bunun dəqiq son olub-olmadığını deyə bilmərəm, amma onun yaşındakı futbolçular üçün bu, normaldır. Xüsusilə də son altı-yeddi ildə klub üçün etdiklərini nəzərə alsaq. Salah inanılmaz performans göstərib və əgər bu, onun "Liverpul"dakı hekayəsinin sonudursa, o hələ buradaykən bu dövrdən zövq almalıyıq".

Qeyd edək ki, 2017-ci ildən "Liverpul"da çıxış edən misirli hücumçu komandanın son illərdə qazandığı uğurlarda mühüm rol oynayıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Həyatda yaxşı şeyləri niyə görmürük? - Tanınmış simaların FİKİRLƏRİ