2026-cı ildə vaxtilə köhnəlmiş hesab edilən çiçək formalı broşlar və geyim bəzəkləri yenidən dəb dünyasının diqqət mərkəzinə çevrilib.

Far.Az xəbər verir ki, bu barədə "Vogue" jurnalı məlumat yayıb.

Söhbət geyimlərə bərkidilən iri ölçülü, çiçək formasında aksesuar və broşlardan gedir. Uzun müddət yaşlı xanımların konservativ geyim tərzi ilə əlaqələndirilən bu aksesuarlar indi məşhur dizaynerlərin kolleksiyalarında yenidən yer alıb.

Xüsusilə "Chanel" moda evinin yeni kreativ direktoru Matye Blazi brendin simvolu olan kameliya çiçəyini fərqli formada təqdim edib. O, həcmli və zərif ləçəklərə malik broşlar hazırlayıb.

"Tom Ford" moda evi isə 2027-ci ilin yaz-yay kolleksiyasında dəri gödəkçələr və pencəklər üzərində qırmızı qızılgül formalı aksesuarlardan istifadə edib.

Stilistlərin fikrincə, bu aksessuarları müasir görünüşdə təqdim etmək üçün onları klassik romantik geyimlərlə deyil, daha fərqli kombinlərlə uyğunlaşdırmaq lazımdır.

Mütəxəssislər çiçək formalı broşları kişi üslubunda kostyumlar, oversayz pencəklər və dəri geyimlər, eləcə də zolaqlı parçalarla birləşdirməyi tövsiyə edirlər.

Qeyd edək ki, avqust ayında gənclər arasında italyan nənələrinin geyim tərzindən ilhamlanan kətan köynəklər və önlüklərə marağın artdığı bildirilmişdi.

Oxşar xəbərlər

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Azərbaycan Milli Xalça Muzeyində "Zamanın naxışları" moda nümayişi təşkil olunub

Turistlərin sevimli şəhərinə çevrilmiş paytaxt Bakı

Xocalı şəhərində "Qarabağ Tekstil Evi" MMC istifadəyə verilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3