Baku TV-nin "Bizdən nə danışırlar?" verilişinin yeni buraxılışı yayımlanıb.

Verilişdə bildirilib ki, İtaliyanın nüfuzlu "Il Messaggero" nəşrində Qafqaz Müsəlmanları İdarəsinin sədri, şeyxülislam Allahşükür Paşazadənin müsahibəsi dərc olunub.

Müsahibədə Azərbaycanın tolerantlıq və birgəyaşayış modeli ön plana çıxarılıb, müxtəlif dinlərin nümayəndələrinin iştirakı ilə Romada təşkil olunan iftar süfrəsinin dinlərarası dialoq baxımından mühüm əhəmiyyət daşıdığı vurğulanıb.

Qeyd olunub ki, Yaxın Şərqdə davam edən münaqişələr və Avropada din adı ilə törədilən terror hadisələri fonunda Azərbaycan sülh, harmoniya və birgəyaşayış nümunəsi ortaya qoyur.

Eyni zamanda Ermənistan KİV-i İranın xarici işlər naziri Abbas Əraqçinin açıqlamasına istinadən xəbər verib ki, Yaxın Şərqdə müharibə başlayandan sonra xaricdə qalmış İran zəvvarlarının təxliyəsi və onlara yardım göstərilməsi məsələsində Azərbaycan da daxil olmaqla bir sıra qonşu ölkələr əhəmiyyətli dəstək verib.

Məlumatda Abbas Əraqçının Azərbaycan, Türkiyə, Türkmənistan, Əfqanıstan, Ermənistan və Səudiyyə Ərəbistanı hökumətlərinə xüsusi təşəkkür etdiyi oxucuların diqqətinə çatdırılıb.

Oxşar xəbərlər

Arzu Əliyeva "Harmoniya" sənədli filminin təqdimatında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Leyla Əliyeva Qubada iftar məclisində iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İstanbulda soydaşlarımız üçün Ramazan ayı münasibətilə iftar mərasimi təşkil edilib